ഡിജിറ്റൽ റിലീസിന് തയാറെടുക്കുന്ന മലയാള ചിത്രം ഹലാൽ ലവ് സ്റ്റോറിയുടെ മോഷൻ പോസ്റ്റർ പുറത്തിറങ്ങി. ഒക്ടോബര്‍ 15ന്‌ ആമസോണ്‍ പ്രൈമിലാണ് റിലീസ്. 'സുഡാനി ഫ്രം നൈജീരിയ' എന്ന സിനിമയ്ക്ക് ശേഷം സക്കറിയ സംവിധാനം ചെയ്യുന്ന ചിത്രമാണ്.

ഇന്ദ്രജിത് സുകുമാരന്‍, ജോജു ജോര്‍ജ്, ഗ്രേസ് ആന്‍റണി, ഷറഫുദ്ദീന്‍, സൌബിന്‍ ഷാഹിര്‍, പാര്‍വതി തിരുവോത്ത് തുടങ്ങിയ പ്രധാന താരങ്ങളെല്ലാം അണിനിരന്ന ചിത്രത്തിന്റെ പോസ്റ്റർ ശ്രദ്ധ നേടിയിരുന്നു.

മലയാള സിനിമയിൽ ഇതിനോടകം നാലു താര ചിത്രങ്ങൾ ഡിജിറ്റൽ/ ടെലിവിഷൻ റിലീസിനെത്തിക്കഴിഞ്ഞു. ജയസൂര്യ ചിത്രം 'സൂഫിയും സുജാതയുമായിരുന്നു  തുടക്കം. അതിനു ശേഷം ദുൽഖർ സൽമാൻ നിർമ്മാതാവായ 'മണിയറയിലെ അശോകൻ', ഫഹദ് ഫാസിലിന്റെ 'സീ യു സൂൺ' തുടങ്ങിയ ചിത്രങ്ങളാണ് ആമസോൺ പ്രൈമിലും നെറ്ഫ്ലിക്സിലുമായി പ്രദർശനത്തിനെത്തിയത്. കൂട്ടത്തിൽ ടൊവിനോ തോമസ് നായകനും നിർമ്മാതാവുമായ 'കിലോമീറ്റേഴ്സ് ആൻഡ് കിലോമീറ്റേഴ്സ്' മലയാള സിനിമാ ചരിത്രത്തിൽ തന്നെ ആദ്യമായി ടി.വി.യിൽ റിലീസ് ചെയ്ത ചിത്രമാണ്. ഓണം റിലീസായാണ് ഈ ചിത്രം ഏഷ്യാനെറ്റിൽ പ്രദർശനത്തിനെത്തിയത്.

കോവിഡ് പ്രതിസന്ധിയെത്തുടർന്ന് ബിഗ് ബജറ്റ് ചിത്രങ്ങളുൾപ്പെടെ പ്രദർശനത്തിനെത്തിക്കാൻ കഴിയാത്ത സാഹചര്യമാണുള്ളത്. വിദേശ രാജ്യങ്ങളിൽ ഉൾപ്പെടെ പ്രദർശിപ്പിക്കാൻ ഉടമ്പടിയിലേർപ്പെട്ട ചിത്രങ്ങൾ തിയേറ്ററുകൾ തുറക്കാനും സജീവ റിലീസ് നടക്കാനുമുള്ള കാത്തിരിപ്പിലാണ്. മോഹൻലാൽ ചിത്രം മരയ്ക്കാർ - അറബിക്കടലിന്റെ സിംഹം, മമ്മൂട്ടിയുടെ 'വൺ' എന്നിവയാണ് അക്കൂട്ടത്തിലെ പ്രമുഖ ചിത്രങ്ങൾ. വൻകിട പ്രോജക്ടുകൾ ആരംഭിക്കാൻപോലുമാവാത്ത സ്ഥിതിയിലാണ്.

ഇന്നത്തെ ആസാദി കുക്കറി ഷോയിൽ
ജൂബി ജയൻ ഇരിട്ടി അവതരിപ്പിച്ച ചിക്കനെ കൊണ്ടുള്ള വിഭവം ആണ് എല്ലാവരും കാണുക ഇഷ്ടപ്പെട്ടെങ്കിൽ വീട്ടിൽ ഉണ്ടാക്കി രുചിച്ചു നോക്കുക

സാധ്യതകളുടെ കലയാണ് സിനിമ. വെളളിത്തിരയിൽ പുത്തൻ പരീക്ഷണങ്ങൾ നടത്തിയിട്ടുള്ള സിനിമ, അതിൻറെ പരസ്യത്തിലും കാലത്തിനൊത്ത പുതിയ പരീക്ഷണം നടത്തുന്നു. ഉല്ലാസം സിനിമയുടെ പരസ്യം മാസ്ക്കിൽ പതിപ്പിച്ചു കൊണ്ടാണ് പുതിയ സിനിമാ പരസ്യ പരീക്ഷണം.സിനിമയിലെ നായകനായ ഷെയ്ൻ നിഗത്തിന്റെ വെൽഫയർ അസോസിയേഷനുകൾ വഴി സൗജന്യമായാണ് മാസ്ക്കുകൾ വിതരണം ചെയ്യുന്നത്. ഉല്ലാസം സിനിമയുടെ പ്രധാന പ്രചരണ ഉപാധിയാവുകയാണ് 'ഉല്ലാസം മാസ്ക്കുകൾ'. ഗുണനിലവാരമുള്ള തുണിയിലാണ് ഇവയുടെ നിർമ്മാണം. ഉല്ലാസത്തിന്റെ ചുവടുപിടിച്ച് മലയാള സിനിമയിൽ മാസ്ക്ക് പ്രധാന പ്രചരണ ഉപാധിയാകുമെന്ന് സിനിമയുടെ പ്രൊഡ്യൂസർ ക്രിസ്റ്റി കൈതമറ്റം പറയുന്നു.ലോക്ഡൗണിന് മുൻപു തന്നെ ഉല്ലാസത്തിൻറെ ചിത്രീകരണം ഉൾപ്പടെയുള്ള ജോലികൾ പൂർത്തിയായിരുന്നു. ഇനി സെൻസർഷിപ്പ്  മാത്രമാണ് ബാക്കിയുള്ളത്. ഷെയ്ൻ നിഗം നായകനായും പവിത്ര ലക്ഷ്മി നായികയായും അഭിനയിക്കുന്ന സിനിമയാണ് ഉല്ലാസം. ബോളിവുഡ് മാതൃകയിലുള്ള ലൗവ് സ്റ്റോറിയാണ് സിനിമ പറയുന്നത്. സിനിമ ചിത്രീകരണത്തിന് തയ്യാറാണെങ്കിലും ഓണം റിലീസ് ഉദ്ദേശിക്കുന്നില്ലെന്ന് നിർമ്മാതാവ് പറഞ്ഞു. ഓൺലൈൻ റിലീസിൻറെ സാധ്യതകളും വിലയിരുത്തുന്നുണ്ട്.

മലയാളി പ്രേക്ഷകരെ ആകാംക്ഷയുടെ മുൾമുനയിൽ നിർത്തിയ ചിത്രമാണ് ജിത്തു ജോസഫിന്റെ 'ദൃശ്യം'. അതിനാൽ തന്നെ ദൃശ്യത്തിന്റെ രണ്ടാം ഭാഗം ഒരുങ്ങുന്നുവെന്ന വാർത്തയെയും ആവേശത്തോടെയാണ് പ്രേക്ഷകർ സ്വീകരിച്ചത്. കഴിഞ്ഞ ദിവസം ദൃശ്യം2ന്റെ ഷൂട്ടിംഗ് കൊച്ചിയിൽ ആരംഭിക്കുകയും ചെയ്തു.

ഇപ്പോൾ പുതിയ ചിത്രത്തിന്റെ ലോക്കേഷനിൽ നിന്നുള്ള ഫോട്ടോ പങ്കുവെച്ചിരിക്കുകയാണ് നായകൻ മോഹൻലാൽ. മീന, എസ്തർ, അൻസിബ എന്നിവർക്കൊപ്പം നിൽക്കുന്ന ചിത്രമാണ് മോഹൻലാൽ ഫെയ്‌സ്ബുക്കിൽ പങ്കുവെച്ചിരിക്കുന്നത്.കോവിഡ് മാനദണ്ഡങ്ങൾ കർശനമായി പാലിച്ചുകൊണ്ടാണ് ചിത്രീകരണം. കോവിഡ് പരിശോധന പൂർത്തിയായവരാണ് ചിത്രത്തിൽ പ്രവർത്തിക്കുന്നതെന്നും അണിയറ പ്രവർത്തകർ അറിയിച്ചു. ഷൂട്ടിങിനു മുന്നോടിയായി സിനിമയുടെ അണിയറപ്രവർത്തകർക്ക് കോവിഡ് ടെസ്റ്റ് നടത്തിയിരുന്നു.

ആദ്യ പത്ത് ദിവസം ഇൻഡോർ രംഗങ്ങളാവും ചിത്രീകരിക്കുക. രണ്ടാഴ്ചയ്ക്കപ്പുറം തൊടുപുഴയിലേക്ക് ഷൂട്ടിങ് ഷിഫ്റ്റ് ചെയ്യും. ഇവരുമായി സെറ്റിലേക്ക് ഭക്ഷണത്തിനടക്കമുള്ള സാധനങ്ങൾ വാങ്ങുന്നവർക്കും ഷൂട്ടിങ് സ്ഥലത്തേക്കുള്ള സുരക്ഷ ഒരുക്കുന്ന ടീമിനും പുറത്തു നിന്നുള്ളവർക്കുമോ ബന്ധപ്പെടാൻ സാഹചര്യമുണ്ടാകില്ല. ഷൂട്ടിങ് തീരുന്നതുവരെ സംഘത്തിലുള്ള ആർക്കും പുറത്തു പോകാനും അനുവാദമുണ്ടാകില്ല. 17-ന് തുടങ്ങേണ്ടിയിരുന്ന ചിത്രം കോവിഡ് സമ്പർക്കവ്യാപനം രൂക്ഷമായ പശ്ചാത്തലത്തിൽ മാറ്റുകയായിരുന്നു.
ആന്റണി പെരുമ്പാവൂർ നിർമിക്കുന്ന ചിത്രത്തിൽ ദൃശ്യം ആദ്യഭാഗത്തിൽ ഒന്നിച്ച അതേ ടീം തന്നെയാണ്