Colors: Orange Color

പാർടി കോൺഗ്രസിന് സംഘാടക സമിതിയായി

കണ്ണൂർ
കണ്ണൂരിൽ ഏപ്രിൽ ആറു മുതൽ പത്തുവരെ ചേരുന്ന സിപിഐ എം 23-ാം പാർടി കോൺഗ്രസിന് സ്വാഗതസംഘമായി. മുഖ്യമന്ത്രിയും പൊളിറ്റ്ബ്യൂറോ അംഗവുമായ പിണറായി വിജയൻ ചെയർമാനും സംസ്ഥാന സെക്രട്ടറി കോടിയേരി ബാലകൃഷ്ണൻ ജനറൽ കൺവീനറുമായി 1001 അംഗ സ്വാഗതസംഘമാണ് രൂപീകരിച്ചത്. കണ്ണൂർ ജില്ലാ സെക്രട്ടറി എം വി ജയരാജനാണ് ട്രഷറർ. 201 അംഗ എക്‌സിക്യൂട്ടീവ് കമ്മിറ്റിയും 27 സബ് കമ്മിറ്റികളും രൂപീകരിച്ചു.
സാമൂഹ്യ, സാംസ്‌കാരിക, രാഷ്ട്രീയരംഗങ്ങളിലെ പ്രമുഖരുടെ സാന്നിധ്യത്താൽ സമ്പന്നമായ സ്വാഗതസംഘം രൂപീകരണ യോഗം ആദ്യമായി കണ്ണൂരിലെത്തുന്ന പാർടി കോൺഗ്രസിന്റെ വിജയവിളംബരമായി. കണ്ണൂർ സാധു കല്യാണമണ്ഡപത്തിൽ പൊളിറ്റ് ബ്യൂറോ അംഗം എസ് രാമചന്ദ്രൻ പിള്ള ഉദ്ഘാടനംചെയ്തു. കോടിയേരി ബാലകൃഷ്ണൻ അധ്യക്ഷനായി. ജില്ലാ സെക്രട്ടറി എം വി ജയരാജൻ സംസാരിച്ചു. കേന്ദ്രകമ്മിറ്റിയംഗം ഇ പി ജയരാജൻ സ്വാഗതം പറഞ്ഞു.
ടി പത്മനാഭൻ, കണ്ണൂർ ബിഷപ്പ് ഡോ. അലക്സ് വടക്കുംതല, മന്ത്രി എം വി ഗോവിന്ദൻ, പി കരുണാകരൻ, ഇ പി ജയരാജൻ, കോടിയേരി ബാലകൃഷ്ണൻ, എ വിജയരാഘവൻ, പി കെ ശ്രീമതി, ടി പി രാമകൃഷ്ണൻ, രാമചന്ദ്രൻ കടന്നപ്പള്ളി, പി ജയരാജൻ, എം വി ബാലകൃഷ്ണൻ, പി മോഹനൻ,ചലച്ചിത്ര അക്കാദമി ചെയർമാൻ രഞ്ചിത്ത്, ജെമിനി ശങ്കരൻ തുടങ്ങിയവർ പങ്കെടുത്തു.

നിശ്ചല ദൃശ്യങ്ങൾ ഒഴിവാക്കിയ സംഭവം ; വിശദീകരണവുമായി കേന്ദ്രം

ദില്ലി
റിപ്പബ്ലിക് ദിനത്തിലെ സംസ്ഥാനങ്ങളുടെ നിശ്ചല ദൃശ്യങ്ങൾ ഒഴിവാക്കിയ സംഭവത്തിൽ വിശദീകരണവുമായി കേന്ദ്രം രംഗത്തെത്തി. ഒരു സംസ്ഥാനത്തെയും അവഗണിച്ചിട്ടില്ലെന്നാണ് കേന്ദ്രത്തിന്റെ വിശദീകരണം.
നടപടിക്രമങ്ങൾ അനുസരിച്ച് നടത്തിയ വിഷയത്തിൽ സംസ്ഥാനങ്ങൾ കത്തയക്കുന്നത് തെറ്റായ കീഴ് വഴക്കം ആണെന്നും കേന്ദ്രം വിമർശിച്ചു. കേരളം അടക്കമുള്ള സംസ്ഥാനങ്ങളുടെ റിപ്പബ്ലിക് ദിന നിശ്ചലദൃശ്യങ്ങൾ ഒഴിവാക്കിയതിനെതിരെ വിമർശനം ശക്തമായിരുന്നു.
സ്വാതന്ത്ര്യസമര സേനാനികളുടെ നിശ്ചലദൃശ്യം ഒഴിവാക്കിയതിനെതിരെ ബംഗാൾ മുഖ്യമന്ത്രി മമത ബാനർജി ഉൾപ്പടെ പ്രധാനമന്ത്രിക്ക് കത്തയച്ചിരുന്നു. ശ്രീനാരായണ ഗുരുവിൻറെ പ്രതിമയുള്ള കേരളത്തിന്റെ റിപ്പബ്ലിക് ദിന നിശ്ചല ദൃശ്യം ഒഴിവാക്കി യതുൾപ്പടെയുള്ള സംഭവങ്ങൾ വിവാദമായ പശ്ചാത്തലത്തിലാണ് വിശദീകരണവുമായി കേന്ദ്രം രംഗത്തെത്തിയത്.

 

അരൂത

ശാസ്ത്രനാമം: റൂട്ട
സസ്യകുടുംബം: റൂട്ടേസിയേ
സസ്യ വിവരണം
ചെറിയ ഇലകളോട് കൂടിയ രൂക്ഷ ഗന്ധമുള്ള ഔഷധച്ചെടിയാണിത്.
96 സെ.മീറ്റർ വരെ ഉയരത്തിൽ വളരും.
പൂങ്കുലകൾ മുഖ്യ തണ്ടിന്റേയും ശാഖകളുടേയും അഗ്രഭാഗത്താണുണ്ടാവുക. പൂക്കൾക്ക് മഞ്ഞനിറമാണ്. നമ്മുടെ കാലാവസ്ഥയിൽ വിരളമായേ ഇവയിൽ കായ്കൾ ഉണ്ടാവുകയുള്ളു.

പ്രവർധനം
വിത്ത് വഴിയാണ അരുതയുടെ സ്വാഭാവിക വംശവർധന നടക്കുന്നത്. എന്നാൽ ഇവയുടെ തണ്ടുകൾ മുറിച്ചു നട്ട് വേരുപിടിപ്പിച്ചും ഇവ നട്ടുപിടിപ്പിക്കാം.

രാസ ഘടന
അരുതയിൽ 0.06 ശതമാനം ബാഷ്പശീലതൈലവും ആൽക്കലോയിഡുകളും ഗ്ലൈക്കോസൈഡുകളും അടങ്ങിയിട്ടുണ്ട്.
ഇതിൽ കാണുന്ന ആൽക്കലോയിഡുകളിൽ മുഖ്യമായവ ഗ്രാവിയോളിൻ
(ഏൃമ്‌ലീഹശില) , ഗ്രാവിയോളിനിൻ , കൊക്കു സാഗിനിൻ , ഡൈ ഹൈഡ്രോ കൊക്കു സാഗിനിൻ
, റൂട്ടാമിൻ എന്നിവയാണ്.

ഔഷധ പ്രയോഗങ്ങൾ
കുട്ടികൾക്കുണ്ടാകുന്ന വിരശല്യത്തിന് അരൂതയില തിരുമ്മി എടുത്ത നീരോ ഇല അരച്ച് ചൂടുവെള്ളത്തിൽ കലക്കിയോ കുടിച്ചാൽ മതി.
അരുതയിലയും അൽപ്പം കുരുമുളകും നന്നായി അരച്ച് മുലപ്പാലിൽ ചേർത്ത് കൊടുത്താൽ കുഞ്ഞുങ്ങളിലെ പനിയും കഫക്കെട്ടും ശമിക്കും.
അരൂതയുടെ നീര് രണ്ട് തുള്ളി വീതം മൂക്കിന്റെ ഇരു ദ്വാരങ്ങളിലും ഇറ്റിക്കുന്നത് മൂക്കടപ്പിന് പ്രതിവിധിയാണ്.
കുഞ്ഞുങ്ങൾ രാത്രിയിൽ ഉറക്കം വരാതെ കരഞ്ഞാൽ സുഖകരമായ ഉറക്കം കിട്ടുവാൻ അരൂതയില ഞെരടി ഒരു തുള്ളി കുട്ടിയുടെ നാവിൽ ഇറ്റിച്ചു കൊടുത്താൽ പ്രയോജനം ചെയ്യും.
കുട്ടികളിലെ ചുഴലി രോഗത്തിന് അരൂതയില. തിരുമ്മി മണപ്പിക്കുന്നത് ഫല പ്രദമാണ്.
അരുതയിലയും മഞ്ഞളും കൂടി അരച്ച് വെള്ളത്തിൽ കലക്കിയ വെള്ളം ഉപയാഗിച്ച് കുട്ടികളെ കുളിപ്പിക്കുന്നത് ത്വക്ക് രോഗങ്ങൾ മാറുന്നതിനും അവ വരാതിരിക്കാനും സഹായിക്കും.
അരുത ഇലയുടെ നീര് മുലപ്പാലിൽ ചേർത്ത് ശിശുക്കൾക്ക് നൽകുന്നത് കഫോ വത്തിനും പനിക്കും ആശ്വാസമാകും.
മഞ്ഞപ്പിത്തത്തിന് 10 മി.ലി. ഇലയുടെ നീര് സമം തേൻ ചേർത്ത് കൊടുക്കുന്നത് രോഗ ശമനത്തിനുതകും.
കുട്ടികൾക്ക് ഉണ്ടാക്കുന്ന ശ്വാസം മൂട്ടിന് അരുതയില ഉണക്കി കത്തിച്ച ആവി ശ്വസിക്കുന്നത് ഗുണം ചെയ്യും.
ഗർഭിണികൾ അരുത ഉപയാഗിക്കുന്നത് പൊതുവെ ഗുണകരമല്ല.

 


ശ്രീ നാരായണഗുരു കേന്ദ്ര സർക്കാരിന് എങ്ങിനെ എതിരാകും

റിപ്പബ്ലിക് ദിന പരേഡിൽ ഫ്‌ലോട്ടിൽ ശ്രീനാരായണ ഗുരുവിനു പകരം ശങ്കരാചാര്യർ എന്ന ജൂറിയുടെ നിലപാട് പ്രതിഷേധാർഹമാണ്. മലയാളിയുടെ ജീവിതവീഥിയിൽ പ്രകാശം പരത്തുന്ന മഹാസ്മരണയോടുള്ള അനാദരംകൂടിയാണ്. ഗുരുമഹത്വത്തെ അതിന്റെ സമഗ്രതയിൽ ഉൾക്കൊണ്ടുകൊണ്ട് കേരളീയരുടെ അഭിമാനത്തിന്റെ പ്രതീകമായി ഗുരുവിന്റെ പ്രതിച്ഛായ ഉയർത്തിക്കാട്ടാനുള്ള പിണറായി സർക്കാരിന്റെ തീരുമാനം അഭിനനന്ദനീയവും സ്വാഗതാർഹവുമാണ്.
മതാധിഷ്ഠിത വീക്ഷണത്തിനും മതേതരത്വത്തിനുംകൂടി ഒന്നിച്ചുനിൽക്കാനാകല്ല. സമത്വാധിഷ്ഠിതവും മതദ്വേഷ ജടിലവുമല്ലാത ഒരു സമൂഹത്തെക്കുറിച്ചുള്ള ശ്രീനാരായണ ഗുരുവിന്റെ ആശയങ്ങൾ പുതിയൊരു രാഷ്ട്രസങ്കൽപ്പത്തിന്റെ മാർഗരേഖകൂടിയാണ്. ഭരണഘടനാ മൂല്യങ്ങളുടെ അടിസ്ഥാനത്തിലുള്ള പുരോഗമനാത്മകവും ലക്ഷ്യോന്മുഖവുമായ മുന്നേറ്റത്തിൽ ഗുരുദർശനം കരുത്തുപകരുകതന്നെ ചെയ്യും.
ആധുനിക ഭാരതം കണ്ട ഏറ്റവും വലിയ തത്വചിന്തകനും മഹാനായ സന്യാസിവര്യനും കേരള നവോത്ഥാന ചരിത്രത്തിലെ അതുല്യനായ സാമൂഹ്യ പരിഷ്‌കർത്താവും ആണ് ശ്രീനാരായണഗുരു . ഒരു ജാതി ഒരു മതം ഒരു ദൈവം മനുഷ്യന് എന്നതും അവനവനാത്മസുഖത്തിനാചരിക്കുന്നവയപരന് സുഖത്തിനായി വരേണം എന്നുള്ളതും ആയിരുന്നു അദ്ദേഹത്തിന്റെ ആദർശവും ജീവിതലക്ഷ്യവും. കേരളത്തിൽ നിലനിന്നിരുന്ന സവർണ മേൽക്കോയ്മ, തൊട്ടുകൂടായ്മ, തീണ്ടിക്കൂടായ്മ തുടങ്ങിയ സമൂഹ്യതിന്മകൾക്കെതിരെയും അന്ധവിശ്വാസങ്ങൾക്കെതിരെയും പോരാടിയ അദ്ദേഹം കേരളീയ സമൂഹത്തെയാകെ നവോത്ഥാനത്തിലേയ്ക്ക് നയിച്ചു.ധ1പ ജാതി വ്യവസ്ഥയെ ചോദ്യം ചെയ്യ്ത ഏറ്റവും പ്രധാനപ്പെട്ട സാമൂഹിക പരിഷ്‌കർത്താവായിരുന്നു ശ്രീനാരായണ ഗുരു.
താഴ്ന്ന ജാതിയിൽപ്പെട്ടവർക്കുൾപ്പെടെ ദൈവാരാധാന നടത്തുവാനായി, ശ്രീനാരായണഗുരു കേരളത്തിലും കർണാടകയിലും തമിഴ്‌നാട്ടിലുമായി ഏതാണ്ട് നാൽപ്പത്തഞ്ചോളം ക്ഷേത്രങ്ങൾ സ്ഥാപിച്ചു. രണ്ടുതവണ ശ്രീലങ്ക സന്ദർശിക്കുകയും അവിടെ ക്ഷേത്ര പ്രതിഷ്ട നടത്തുകയും ചെയ്തു. തന്റെ സാമൂഹിക പരിഷ്‌കാരങ്ങൾ പ്രചരിപ്പിക്കുന്നതിനായ് ഡോ. പൽപുവിന്റെ പ്രേരണയാൽ അദ്ദേഹം 1903ൽ ശ്രീ നാരായണ ധർമ്മ പരിപാലന യോഗം സ്ഥാപിച്ചു. മതമേതായാലും മനുഷ്യൻ നന്നായാൽ മതി എന്നാണ് അദ്ദേഹത്തിന്റെ ആപ്തവാക്യം.
ഇത്തരം നവോത്ഥാന നായകരുടെ പിന്തുടർച്ചയാണ് കേരളത്തിന്റെ നേട്ടം. ഇത്തരം നേട്ടങ്ങളെ രാജ്യത്തിന്റെ അഭിമാനമായി ഉയർത്തി കാട്ടുക എന്നത് ഏതൊരു ജനാധിപത്യ പ്രകൃയയുടെയും ഭാഗമാണ്. ഇത് എങ്ങിനെ കേന്ദ്രത്തിന് എതിരാകും. ശങ്കരാചാര്യരെ വേണമെന്ന് പറയാം. പക്ഷേ നാരായണ ഗുരുവിനെ മാറ്റി അവിടെ ശങ്കരാചാര്യരെ പ്രതിഷ്ഠിക്കണമെന്ന് പറഞ്ഞാൽ അത് കേരളം അംഗീകരിക്കില്ല. വലിയ വാർത്തയും വിവാദവും ആകേണ്ട വിഷയത്തെ മുഖ്യധാരാ മാധ്യമങ്ങൾ പലതും മുക്കി എന്നുള്ളതും അവരുടെ വർഗ്ഗ താൽപര്യം വ്യക്തമാകുന്നതാണ്.

 

 

വാക്‌സിനേഷൻ യജ്ഞത്തിൽ ഇന്ത്യ മുന്നേറി, രോഗികൾ 4 കോടിയിലേക്ക്,
മരണം 5 ലക്ഷത്തിലേക്ക്
ഒരു വർഷം ; 156.76 കോടി ഡോസ് വാക്‌സിൻ

സ്വന്തം ലേഖകൻ
ന്യൂഡൽഹി
കോവിഡ് വ്കാസിനേഷൻ യജ്ഞം ഒരു വർഷം പൂർത്തിയാകുമ്പോൾ ഇതുവരെ 156.76 കോടി ഡോസ് വാക്‌സിൻ നൽകിയതായി ആരോഗ്യ മന്ത്രാലയം അറിയിച്ചു.
കോവിഡ്- വ്യാപനം അതിരൂക്ഷമായി തുടരുന്നതിനിടെ രാജ്യത്തിന്റെ കോവിഡ് പ്രതിരോധ വാക്‌സിനേഷൻ യജ്ഞത്തിന് ഇന്നലെ ഒരു വർഷം പൂർത്തിയായി. പ്രായപൂർത്തിയായവരിൽ 93 ശതമാനത്തിലധികം ഒരു ഡോസ് വാക്‌സിനും 68 ശതമാനത്തിലധികംപേർ രണ്ടു ഡോസും സ്വീകരിച്ചു. വാക്‌സിനേഷൻ യജ്ഞത്തിന് ഒരു വർഷം തികയുന്നതിന്റെ ഓർമയ്ക്കായി പ്രത്യേക തപാൽ സ്റ്റാമ്പ് കേന്ദ്ര ആരോഗ്യ മന്ത്രി മൻസുഖ് മാണ്ഡവ്യ പുറത്തിറക്കി.
സ്വന്തമായി വാക്‌സിൻ നിർമിച്ച്, വളരെ ചുരുങ്ങിയ സമയത്തിനുള്ളിൽ ജനസംഖ്യയുടെ വലിയൊരു ഭാഗത്തിനു നൽകാൻ കഴിഞ്ഞത് നാഴികക്കല്ലാണെന്നും ഇതിലൂടെ ലോകത്തെ നമ്മൾ അമ്പരിപ്പിച്ചെന്നും മൻസുഖ് മാണ്ഡവ്യ പറഞ്ഞു. കഴിഞ്ഞവർഷം ജനുവരി 16 മുതൽ ആരംഭിച്ച വാക്‌സിനേഷന്റെ ആദ്യ ഘട്ടത്തിൽ ആരോഗ്യ പ്രവർത്തകർക്കാണ് കുത്തിവയ്പ് നൽകിയത്. തുടർന്ന് ഫെബ്രുവരി രണ്ടുമുതൽ മുൻനിര പ്രവർത്തകർക്കു നൽകി. മാർച്ച് ഒന്നുമുതലാണ് രണ്ടാംഘട്ടം ആരംഭിച്ചത്. രണ്ടാം ഘട്ടത്തിൽ 60 വയസ്സിനു മുകളിലുള്ളവർക്കും 45 വയസ്സിനു മുകളിൽ ഗുരുതരമായ ആരോഗ്യപ്രശ്‌നമുള്ളവർക്കുമാണ് നൽകിയത്. ഏപ്രിൽ ഒന്നുമുതൽ 45 വയസ്സിനു മുകളിലുള്ള എല്ലാവർക്കും നൽകിത്തുടങ്ങി. മേയ് ഒന്നുമുതൽ 18 വയസ്സിനു മുകളിലുള്ള എല്ലാവർക്കും നൽകാൻ തീരുമാനിച്ചു. ഈവർഷം ജനുവരി മൂന്നുമുതലാണ് 15 വയസ്സ് മുതൽ 18 വരെയുള്ളവർക്ക് കുത്തിവയ്പ് നൽകിത്തുടങ്ങിയത്. ജനുവരി 10 മുതൽ ആരോഗ്യ പ്രവർത്തകർക്കും 60 വയസ്സിനു മുകളിലുള്ളവർക്കും കരുതൽ ഡോസ് നൽകിത്തുടങ്ങി. എല്ലാ വിഭാഗം ജനങ്ങൾക്കും സമയബന്ധിതമായി വാക്സിൻ ലഭ്യമാക്കുന്നതിൽ വീഴ്ചവന്നുവെന്ന് കേന്ദ്ര സർക്കാരിനെതിരെ വിമർശം ഉയർന്നിരുന്നു.
രാജ്യത്തിന് അഭിമാനമെന്ന് പ്രധാനമന്ത്രി
വാക്‌സിനേഷൻ യജ്ഞം ഒരു വർഷം പൂർത്തിയാക്കിയത് മഹാമാരിക്കെതിരായ പോരാട്ടത്തിന് കൂടുതൽ ശക്തി പകർന്നെന്ന് പ്രധാനമന്ത്രി നരേന്ദ്ര മോദി പറഞ്ഞു. കോവിഡിന്റെ ആരംഭകാലത്തെ ഇതിനെപ്പറ്റി അധികമാർക്കും അറിവുണ്ടായിരുന്നില്ല. എന്നാൽ, ഈസമയം നമ്മുടെ ശാസ്ത്രജ്ഞർ വാക്‌സിൻ കണ്ടുപിടിക്കുന്ന തിരക്കിലായിരുന്നു. ഈ യജ്ഞത്തിനു പിന്നിലുണ്ടായിരുന്ന ഓരോരുത്തരെയും അഭിവാദ്യം ചെയ്യുന്നു. ഡോക്ടർമാരുടെയും മറ്റ് ആരോഗ്യ പ്രവർത്തകരുടെയും പങ്ക് വിസ്മരിക്കാനാകില്ലെന്നും അദ്ദേഹം പറഞ്ഞു.

 

കീഴാർ നെല്ലി
ശാസ്ത്രനാമം: ഫില്ലാന്തസ് അമാരസ്
സസ്യകുടുംബം : യൂഫോർബിയേസിയേ
നെല്ലിയുടെ കുടുംബത്തിലെ അഗമായ കീഴാർ നെല്ലി അഥവാ കിഴുകാനെല്ലി
സംസ്‌കൃതത്തിൽ ഭൂധാത്രീ എന്ന പേരിലറിയപ്പെടുന്നു.
പ്രാചീന കാലം മുതൽ മഞ്ഞക്കാമില അഥവാ മഞ്ഞപ്പിത്തത്തിന് ഫലപ്രദമായി പ്രയോഗിച്ചു വരുന്ന ഒരു ചെറു സസ്യമാണിത്. റോഡരികിലും പുഴവക്കിലുമൊക്കെ സാധാരണയായി കാണുന്ന ഈ ചെറുചെടി സമൂലം ഉപയോഗിക്കാവുന്ന ഒരു ഔഷധച്ചെടിയാണ്.

സസ്യ വിവരണം.
പലതരം കീഴാർ നെല്ലിയിനങ്ങളും കാണപ്പെടുന്നുണ്ടെങ്കിലും ഫില്ലാന്തസ് അമാരസ് ഇനത്തിനാണ് കൂടുതൽ ഔഷധ ഗുണമുള്ളത്. 15 മുതൽ 30 സെ.മീറ്റർ ഉയരത്തിൽ വളരുന്ന പ്രകൃതമാണിതിന്. ഈയിനത്തിന്റെ തണ്ടുകൾക്ക് ഇളം പച്ചനിറമാണ്. നിവർന്നു നിൽക്കുന്ന മുഖ്യ തണ്ടിന്റെ താഴെ ഭാഗത്ത് ശിഖരങ്ങൾ ഉണ്ടാകാറില്ല. എല്ലാ വശങ്ങളിലേക്കും പടർന്നു നില്ക്കുന്ന ശാഖകൾ നേർത്തതും ഇലകളാൽ നിബിഡവുമാണ്. പുഷ്പങ്ങൾ പത്രകക്ഷത്തിലുണ്ടാകുന്നു. ഇവ വളരെ ചെറുതും മഞ്ഞ കലർന്ന പച്ചനിറത്തോട് കൂടിയതുമാണ്. ആൺ പെൺ പൂക്കൾ പ്രത്യേകമായി കാണുന്നു. വർഷം മുഴുവൻ പുഷ്പിച്ചു കൊണ്ടിരിക്കും.ഫലങ്ങൾ ഞെട്ടിൽ പറ്റിപ്പിടിച്ചിരിക്കും. കുഞ്ഞുനെല്ലിക്ക മാതിരി യുള്ള ഫലത്തിനുള്ളിൽ മൂന്ന് അറകൾ കാണാം. ഓരോ അറയിലും ഓരോ ചെറിയ വിത്തുമുണ്ട്.

പ്രജനനം
വിത്ത് വഴിയാണ് കീഴാർ നെല്ലി സ്വാഭാവിക പ്രജനനം നടത്തുന്നത്. നല്ല സൂര്യപ്രകാശം ഇതിന്റെ ആരോഗ്യകരമായ വളർച്ചക്കാവശ്യമാണ്.

രാസഘടന
കീഴാർനെല്ലിയിൽ ഒരു ശതമാനം ആൽക്കലോയിഡുകളും രണ്ടു ശതമാനം ലി ഗ്‌നാനും ( ഘശഴിമി) അടങ്ങിയിട്ടുണ്ട്. ഫില്ലാന്തിൻ (ജവ്യഹഹമിവേശി), ഹൈപ്പോ ഫില്ലാന്തിൻ (ഒ്യുീുവ്യഹഹമിവേശി),
നിറാന്തിൻ (ചശൃമിവേശി) തുടങ്ങിയവയാണ് പ്രധാനപ്പെട്ട
ലീഗ്‌നാനുകൾ .

ഔഷധപ്രയോഗങ്ങൾ

കീഴാർ നെല്ലി മഞ്ഞപ്പിത്തത്തിനാണ് ഏറ്റവും പ്രധാന ഔഷധമായി ഗണിച്ചു വരുന്നത്. ചെടിയിലടങ്ങിയിരിക്കുന്ന ഫിലാന്തിൻ എന്ന പ്രത്യേക രസങ്ങളൊന്നുമില്ലാത്ത വസ്തുവാണ് മഞ്ഞപ്പിത്തത്തിനെതിരെ പ്രവർത്തിക്കുന്ന മുഖ്യ ഘടകം.
ഇതിന്റെ പച്ച വേര് 10 ഗ്രാം അരച്ച് കറന്ന ഉടനെയുള്ള ഒരു ഗ്ലാസ് പാലിൽ ചേർത്ത് രാവിലെ കഴിച്ചാൽ മഞ്ഞപ്പിത്തത്തിന് ശമനമുണ്ടാകും.
കീഴാർ നെല്ലി സമൂലം ഇടിച്ചു പിഴിഞ്ഞ നീര് രാവിലെയും വൈകീട്ടും 10 മി.ലി. വീതം കഴിക്കുന്നതും മഞ്ഞപ്പിത്തത്തിന് പ്രതിവിധിയാണ്.
കീഴാർ നെല്ലിയും, കഞ്ഞുണ്ണിയും സമൂലം എടുത്ത് ആവണക്കിന്റെ കുരുന്നിലയും ജീരകവും ചേർത്ത് നന്നായി അരച്ചെടുത്ത് പശുവിൻ പാലിൽ കലർത്തി കഴിക്കുന്നതും മഞ്ഞപ്പിത്തത്തിന് ആശ്വാസമാകും.
ചർമ്മരോഗങ്ങൾക്ക് കീഴാർ നെല്ലി കൊണ്ടുണ്ടാക്കുന്ന ലേപനം വളരെ ഉത്തമമാണ്. ചെടി സമൂലം ഉണക്കിപ്പൊടിച്ച് കഞ്ഞി വെള്ളത്തിൽ ലേപനമാക്കി വ്രണങ്ങളിൽ വെച്ച് കെട്ടിയാൽ അവ പെട്ടെന്ന് സുഖപ്പെടും.
കീഴാർ നെല്ലിയും പച്ച മഞ്ഞളും സമം അരച്ച് മുറിവിൽ വെച്ചു കെട്ടിയാൽ മുറിവ് വേഗത്തിൽ ഉണങ്ങും.
കീഴാർ നെല്ലിയുടെ നീര് കണ്ണിൽ ഉറ്റിക്കുന്നത് ചെങ്കണ്ണ് മാറാൻ ഫലപ്രദമാണ്.
കീഴാർ നെല്ലി മൊത്തമായെടുത്ത് അരച്ച് മോരിൽ കലർത്തി ഉപയോഗിച്ചാൽ പഴകിയ ആമാതിസാരം, പ്രവാഹിക (രക്താതിസാരം) എന്നീ രോഗങ്ങൾക്ക് ആശ്വാസമാകും.
കീഴാർ നെല്ലി പാലിൽ അരച്ച് ചേർത്ത് കഴിച്ചാൽ കരൾ രോഗത്തിന് ശമനമുണ്ടാകും.
കീഴാർ നെല്ലി സമൂലം (വേരടക്കം) ഇടിച്ചു പിഴിഞ്ഞ നീരിൽ അതിന്റെ പകുതി എള്ളെണ്ണ ചേർത്ത് കാച്ചി തലയിൽ തേച്ചാൽ പിത്തം മൂലമുള്ള തലചുറ്റലും മൂർദ്ധാവ് പുകച്ചിലും ശമിക്കുന്നതാണ് .
രോഗ ലക്ഷണം മാത്രമായ മഞ്ഞപ്പിത്തത്തിന് ആധുനിക വൈദ്യശാസ്ത്രത്തിൽ തീർത്തും ഫലപ്രദമായ 'ചികിത്സാ വിധി ഇല്ലെന്നാണ് ഈ രംഗത്തെ വിദഗ്ദർ അഭിപ്രായപ്പെടുന്നത്.
എന്നാൽ കരളിൽ നിന്ന് പിത്തരസം ഒഴുകിപ്പോകുന്ന കുടലുകളിലും വാഹിനികളിലും ഉണ്ടാകുന്ന അപകടകാരിയും അല്ലാത്തതുമായ വളർച്ചകളും മുഴകളും കൊണ്ട് മഞ്ഞപ്പിത്തം ഉണ്ടാകും. ഇത്തരം കേസുളിൽ കീഴാർ നെല്ലി എത്രയും ഫലപ്രദമാണ്.

 

Most Read

  • Week

  • Month

  • All